კარდიოლოგია და სტომატოლოგია


კოლეგები დამეთანხმებიან, რომ ანამნეზის შეკრებისას ხშირად ვხვდებით პაციენტებს კარდიოლოგიური დაავადებებით, ზოგი სტომატოლოგი ამ საკითხს დიდ ყურადღებას არც აქცევს. ამ კატეგორიის „ექიმებზე“ წინა სტატიებში ჩემი აზრი უკვე მოგახსენეთ და თავს არ შეგაწყენთ. საბედნიეროდ, უმეტეს შემთხვევებში ფიქსირდება რა, რომ პაციენტს აღენიშნება კარდიოლოგიური პრობლემები,  სტომატოლოგი ითხოვს (პროტოკოლის მიხედვით)  ჩატარდეს კარდიოლოგთან კონსულტაცია და გაიცეს  წერილობითი დასკვანა, რომ სტომატოლოგიური მანიპულაციების დროს გამოყენებული პრეპარატები და თვით მანიპულაციები არ გამოიწვევენ პაციენტის ჯანმრთელობის მდგომარეობის გაუარესებას. და აქ იწყება…………..

„რად მინდა ექიმო კარდიოლოგი, პირობას გაძლევ არაფერი არ მომივა!“

„გუშინ ვიყავი, მნახა, კაჟივით ხარო მითხრა!“

„ტელეფონზე დაგალაპარაკებ, არ წამიყვანო ახლა იქ!“

„აუ თუ გეშინია ხელწერილს დაგიწერ!“

„აუ თუ გეზარება ეგრე თქვი!“

„თავს იზღვევ?!“

„აუ ეს გონზე არაა,  გულს ხომ არ მიღებ კბილის ამოღება მინდა!“

„მიდიმიდი შეუბერე,  თუ რამე მომივა,  მე მომივა შენ ხომ არა!“ და ა.შ….

შემიძლია გავაგრძელო ეს უაღრესად ინტელექტუელურად დატვირთული ფრაზები.  აქვე უნდა აღინიშნოს, რომ  ზოგიერთი კარდიოლოგი უარს აცხადებს წერილობითი დასკვნის გაცემაზე,  მას შემდეგაც კი, რაც მას სტომატოლოგიურმა კლინიკამ ოფიციალურად მიმართა.

უარის არგუმენტი დაახლოებით ასე ჟღერს – „მაგას კბილის ამოღების ეშინია და მე რატომ დავწერო დასკვნაო?“ როგორც  ვხედავთ, მომქმედი კანონმდებლობის უცოდინართა რიგებში  სტომატოლოგები მარტონი არ არიან.

ეხლა კი საქმეზე გადავიდეთ!

ზოგიერთ სტომატოლოგიურ პროცედურას, რომელსაც ახლავს ლორწოვანის მთლიანობის დარღვევა, შეიძლება მოყვეს ტრანზიტორული ბაქტერიემია.  ნებისმიერი მანიპულაცია,  იქნება ეს ზონდირება, სინდესმოტომია, კბილის ექსტრაქცია, ნადების მოშორება, კიურეტაჟი, ენდოდონტიური მკურნალობა  თუ სხვა, რომლსაც  ახლავს სისხლდენა, შეიძლება იყოს ტრანზიტორული ბაქტერიემიის გამომწვევი,  რაც შესაძლებელია გახდეს ენდოკარდიტის მიზეზი.  

გულ-სისხლძარღვთა პათოლოგიის მქონე პაციენტების მკურნალობისას აუცილებლია თანამშრომლობა მის კარდიოლოგთან. პაციენტის სამედიცინო ბარათში უნდა იყოს მოთავსებული კარდიოლოგის წერილობითი დასკვნა ჯანმრთელობის მდგომარეობის შესახებ, აუცილებელია, რომ დასკვნა იყოს ახალი და დროთა განმავლობაში ხდებოდეს მისი განახლება. მოგეხსენებათ, როგორ არ უყვართ ჩვენს პაციენტებს პროფილაქტიკურ ვიზიტებზე სიარული, სულ ერთია სტომატოლოგთან იქნება ეს თუ კარდიოლოგთან!  ესეთი პაციენტები ხშირად უარს აცხადებენ ანტიბიოტიკოთერაპიის ჩატარებაზე. ექიმი სტომატოლოგი უნდა იყოს კატეგორიულად მომთხოვნი რათა ნებისმიერი სტომატოლოგიური პროცედურის და მანიპულაციის ჩატარების წინ პაციენტმა გაიაროს კონსულტაცია კარდიოლოგთან.

ანტიბიოტიკოპროფილაქტიკა რეკომედირებულია, ნებისმიერი ბანალური სტომატოლოგიური პროცედურის ჩატარებისას, რომლებსაც შეიძლება მოყვეს ღრძილიდან სისხლდენა, თუ კი პაციენტი, კარდიოლოგის განსაზღვრით,  ეკუთვნის რისკის მაღალ ან საშუალო ჯგუფს. უნდა გვახსოვდეს რომ ალფა ჰემოლიტიური სტრეპტოკოკი,  ეს ის მიკროორგნიზმია,  რომელიც ყველაზე ხშირად იწვევს ენდოკარდიტს.

გარდა ამისა სტომატოლგიურ პრაქტიკაში გამოყენებული ანესთეტიკების უმეტესობა შეიცავს ეპინეფრინს სხვადასხვა კონცენტრაციით, რამაც ასევე შესაძლებელია გარკვეული  პრობლემები შეუქმნას ამ ჯგუფის პაციენტებს.

გამორიცხული არ არის ინექციის დროს სისხლძარღში პრეპარატის მცირე დოზების მოხვედრა, ჯანმრთელი პაციენტისთვის ეს შეიძლება უმნიშვნელო ტაქიკარდიით და ტრემორით გამოვლინდეს, ხოლო კარდიოლოგიური პათოლოგიის მქონე პაციენტისთვის კი სავალალო აღმოჩნდეს.

ექიმი კარდიოლოგის კონსულტაცია – აუცილებელია!

კარდიოლოგის დასკვნა წერილობითი ფორმით შენახული უნდა იყოს პაციენტის სამედიცინო სტომატოლოგიურ ბარათში!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / შეცვლა )

Twitter picture

You are commenting using your Twitter account. Log Out / შეცვლა )

Facebook photo

You are commenting using your Facebook account. Log Out / შეცვლა )

Google+ photo

You are commenting using your Google+ account. Log Out / შეცვლა )

Connecting to %s

%d bloggers like this: